ВАРЗИШГАРОНИ ТОҶИК АЗ МУСОБИҚА ХОРИҶ ГАРДИДАНД

                   Душанбе, 24 август. (АМИТ «Ховар», Ибодат Давлатова). — Тавре хабар дода шуда буд, дирӯз дар Берлин мусобиқоти қаҳрамонии ҷаҳонии варзиши сабук анҷом ёфт. Дар он аз Тоҷикистон ду нафар варзишгар — гулӯлапартоён Галина Митяева ва Дилшод Назаров иштирок намуданд.                    Г.Митяева дар мусобиқаи ниманиҳоӣ гулӯларо ба масофаи 56,31 метр партофта, дар ҷадвали мусобиқа ҷои 39 — умро ишғол кард. Дар ин ҷо ҷои аввал ва ҷоизаи асосӣ насиби варзишгардухтари олмонӣ Бетти Хайдлер гардид, ки гулӯларо ба масофаи 75,25 метр партофт. Ин натиҷаи беҳтарини мусобиқа мебошад.                    Қабл аз ин қувваозмоии хотимавии мардона баргузор гардида буд. Дар ин қувваозмоиҳо варзишгари тоҷик Дилшод Назаров гулӯларо ба масофаи 71,69 метр партофта ҷои 11 — умро ишғол кард.