ВЕЛОСИПЕДИ ШАҲРВАНДИ ХОРИҶИРО ДУЗДИДАНД
Хоруғ, 27 август. (АМИТ «Ховар», Наргис Бояхмедова). — Дар Вилояти Мухтори Кӯҳистони Бадахшон шахсони номаълум велосипеди шаҳрванди Шветсия Рикард Селевикро дуздиданд, ки қимати он 2000 евро мебошад. Тавре хабар дода шуда буд, шаҳрванди Шветсия Рикард Селевик ва шаҳрванди Фаронса Жан Фредерик Гавин савори велосипедҳо аз шаҳри Осло то деҳаи Сухчарви ВМКБ масофаи бештар аз 16 ҳазор километрро тай карданд. Ҳадафи сафари онҳо ҷамъ овардани маблағ барои расондани кӯмак ба ҷавонони тоҷик дар бобати кушодани курсҳои кӯтоҳмуддати дӯзандагию қаннодӣ ва замбӯрпарварӣ мебошад. Иштирокчиёни пойга бо ин мақсад зимни сафар бештар аз 17 ҳазор доллари ИМА ҷамъ оварданд. Фонди Евразияи Осиёи Марказӣ бо ин мақсад дар ноҳияи Ваҳдат курсҳои кӯтоҳмуддати дӯзандагию қаннодӣ кушода ва дар ҷамоати Сухчарви ВМКБ барои рушди соҳаи замбӯрпарварӣ тадбирҳои судбахш андешид. Корманди фонди Евразияи Осиёи Марказӣ Равшан Абдуллоев ба АМИТ «Ховар» хабар дод, ки дуздон велосипеди шаҳрванди Шветсияро дар ҷамоати Сухчарв ба яғмо бурданд. Вобаста ба ин сафари башардӯстонаи шаҳрвандони хориҷӣ дар ҳамин ҷо қатъ гардид. Р.Абдуллоев зикр намуд, ки агар велосипед дар давоми рӯзҳои наздик ёфт нашавад, Р.Селевик ба Душанбе баргашта аз он ҷо ба ватанаш — Шветсия парвоз мекунад. Ҳамроҳи ӯ Жан Фредерик Гавин сафари худро то Пекин давом хоҳад дод. Айни ҳол кормандони милиса ва сокинони маҳаллӣ ба ҷустуҷӯи велосипеди гумшуда машғуланд, гуфт Р.Абдуллоев.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
