ЗАМИНҲОИ КИШТ ВАСЕЪ МЕШАВАНД

                  Бадахшон, 1 август. (АМИТ «Ховар», Л. Додо).- Ба мақсади амалӣ намудани карори раиси вилоят дар бобати ба гардиши кишоварзӣ даровардани заминҳои корам дар шаҳру навоҳии ВМКБ корҳои муайян сомон дода мешаванд. Тавре аз идораи кишоварзии вилоят иттилоъ доданд, тибқи нақша тирамоҳи соли ҷорӣ дар ноҳияи Ванҷ 80, Ишкошим 70, Дарвоз 50, Ротшқалъа 15 гектар заминҳои нави кишт мавриди истифода қарор хоҳанд ёфт. Ба ақидаи коршиносон бо вусъати корҳои мелиоративӣ, беҳтар намудани фаъолияти идораҳои об таъмиркунӣ солҳои наздик дар вилоят қариб 5 ҳазор гектар замин қобили кишт гардонда мешавад.