ҚОНУНИ НАВИ ЗАБОН БАРРАСӢ ШУД

                Душанбе, 14 сентябр.(АМИТ «Ховар», Марзия Саидова).-Лоиҳаи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» 14 сентябр дар ҷаласаи Шӯрои Маҷлиси намояндагони Маҷлиси Олии ҷумҳурӣ, ки таҳти раёсати Раиси палатаи поёнии парлумони мамлакат Сайдулло Хайруллоев баргузор шуд, баррасӣ гардид.                 Дар ҷаласа ҳамчунин лоиҳаи Қонунҳои конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон», «Дар бораи мақомоти маҳаллии ҳокимияти давлатӣ», лоиҳаи Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳифзи ҳавои атмосфера», «Дар бораи энергетика», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон», «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон», «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳаракат дар роҳ», «Оид ба ворид намудани илова ба Қонуни Ҷумҳурии Тоҷикистон «Дар бораи металлҳои қимматбаҳо ва сангҳои қимматбаҳо», «Дар бораи Буҷети давлатии Ҷумҳурии Тоҷикистон барои соли 2009», «Дар бораи рӯзҳои ид», «Дар бораи ворид намудани тағйиру иловаҳо ба Кодекси оби Ҷумҳурии Тоҷикистон», Дар бораи ҳамроҳшавии Ҷумҳурии Тоҷикистон ба Конвенсия оид ба масуният ва имтиёзҳои Созмони Конфронси Исломӣ, Дар хусуси Протокол оид ба ворид намудани тағйиру иловаҳо ба Созишнома дар бораи Котиботи Машварат оид ба ҳамкорӣ ва таъбирҳои эътимодӣ дар Осиё баррасӣ гардиданд.                Зимни муҳокимаи масъалҳои зикршуда, раисони Кумитаҳои Маҷлиси намояндагон зикр намуданд, ки ҳадаф аз таҳия ва пешниҳоди лоиҳаи қонунҳои зикршуда, баланд бардоштани мақом ва манзалати забони давлатӣ, пешгирӣ аз ифлосшавии ҳавои атмосфера, саривақт ва бидуни таъхир пардохт кардани нафақаи шаҳрвандон ва таъмини бехатарии ҳаракат дар роҳ мебошанд.