БАРНОМАИ КОНСЕРТӢ БО ИШТИРОКИ ҲУНАРПЕШАГОНИ ШИНОХТА

                Душанбе, 4 сентябр. (АМИТ «Ховар», Лутфия Эшонкулова).- Вазорати фарҳанги Ҷумҳурии Тоҷикистон бахшида ба 18-умин солгарди Истиқлолияти давлатии Ҷумҳурии Тоҷикистон 8 сентябр дар Кохи Борбад барномаи консертӣ баргузор менамояд.                 Дар он аз ҷониби ҳунарпешагони шинохта аз ансамблҳои «Дарё», «Фалак», «Шашмақом», Филармонияи давлатии Тоҷикистон ба номи А. Ҷўраев ва овозхонони эстрада Б. Иброҳимов, Д. Қурбонова, Ж. Шаинян, Шўҳрат Сайнаков, ҳамчунин аз Театри опера ва балети ба номи С. Айнӣ, хонандагони мактаби махсуси мусиқии ба номи М. Атоев суруду таронаҳо аз эҷодиёти шоирони классик ва муосир садо хоҳанд дод.                Инчунин дар барномаи консертӣ дастаҳои рақсии «Зебо», «Рухшона», Гулрез«, «Лола» ва ансамблҳои рақсии кўдаконаи «Лаъл», «Ғунчаҳои пойтахт» ва гимнастикаи бадеии бачагонаи Вазорати мудофиаи Ҷумҳурии Тоҷикистон барномаҳои рақсӣ пешниҳод мекунанд.               Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.