ДОТАТСИЯИ ДАВЛАТӢ 17 ФОИЗ КАМ ШУД
Душанбе, 16 сентябр. (АМИТ «Ховар», Лаззат Диловарзод).- Бино ба гуфти раиси ноҳияи Варзоб Ситора Шерова, баъди қарори Ҳукумати ҷумҳурӣ «Дар бораи ба минтақаи истироҳату табобат, осоишу фароғат ва сайёҳӣ» эълон гардидани ноҳияи Варзоб бо гузашти 9 сол симои ноҳия бо пуррагӣ тағйир дода шуд. Дар ибтидо бинои замонавии мақомоти маҳаллии ҳокимияти давлатии ноҳия, ки соли 2003 оғоз ёфта буд, соли ҷорӣ баъди ба охир расонидани сохтмон мавриди баҳрабардорӣ қарор гирифт. Буҷаи ҳокимияти маҳаллӣ аз сифр ба 1 млн. 50 ҳазор сомонӣ ва соли ҷорӣ ба 1 млн. 200 ҳазор сомонӣ расонида шуд. Ноҳия то соли 2006 — 68 фоиз аз ҳисоби буҷаи ҷумҳурӣ маблағгузорӣ карда мешуд. Соли ҷорӣ бо сабаби дуруст ба роҳ мондани фаъолияти нозироти андоз дотатсияи давлатӣ дар ноҳия 17 фоиз кам карда шуд. — Бӯҳрони ҷаҳонии молиявӣ таъсирашро ба ноҳия расонид, нақшаҳои бузургтареро, ки мо роҳандозӣ карданӣ будем, муваққатан иҷрои онро ба таъхир гузоштем. Мақомоти маҳаллии ҳокимияти давлатӣ ҳама чораҳоро меандешад, то нақшаҳои боз ҳам самараноктареро амалӣ созад, — мегӯяд раиси ноҳия Ситора Шерова.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
