ГАРМХОНА БО КӮМАКИ НОРВЕГИЯ ДАР БАРТАНГ

               Душанбе, 10 сентябр. (АМИТ «Ховар», Лаззат Диловарзод).- Аз имзои созишномаи ташкилоти ғайридавлатии «Ояндасоз» — и ВМКБ бо ташкилоти экологии «Замини хурд» — и Норвегия як сол гузашт.               Тибқи созишнома, ташкилоти экологии «Замини хурд» — и Норвегия, ки ба сохтмони нерӯгоҳҳои барқи офтобӣ машгул аст, дар деҳаи Нушори водии Бартанг аз рӯи лоиҳа дар сохтмони як гармхона аз ин навъи нерӯгоҳ истифода кард. Тирамоҳи соли 2008 бо саршавии хунукиҳои қаҳратун сохтмон то тобистони соли 2009 қатъ карда шуд ва аз моҳи июни соли ҷорӣ сохтмони гармхона аз нав оғоз ёфт ва нерӯгоҳи офтобӣ низ корашро ба охир расонд.              -Акнун фермере, ки гармхона дар замини ӯ сохта шудааст барои 42 оилаи деҳаи Нушор тавассути ҳамин нерӯгоҳ сабзавот истеҳсол мекунад, — мегӯяд агрономи ҳамин гармхона Лангаршо Мавлоназаров.