КОРХОНАИ ПАХТАИ КӮЛОБ БА ҚАБУЛИ ПАХТА ОҒОЗ КАРД

                 Кӯлоб, 22 сентябр. (АМИТ «Ховар», Сулаймон Холов). — Корхонаи «Пахтаи Кӯлоб» ба қабули пахтаи соли 2009-2010 шурӯъ кард. Ҷонишини сардори корхона Пӯлод Тошмадов дар бастагӣ ба ин мавзӯъ гуфт, ки корхона ба 30 хоҷагиҳои деҳқонии ноҳияи Кӯлоб ва 55 хоҷагиҳои деҳқонии ноҳияи Восеъ шартномабандӣ намуда, то ин ҷониб аз тарафи хоҷагиҳои деҳқонии ноҳияи Восеъ беш аз 40 т пахта ба корхона ворид гардидааст. Ба гуфтаи ин манбаъ корхона дар ду баст фаъолият намуда, дар оянда метавонад 100 нафар коргаронро ба кор қабул намояд. Мавриди зикр аст, ки корхона соли сипаригар-дида 5400 т ашёи хом ва 3080 т чигити тухмиро коркард карда мувофиқи шартнома ба хоҷагиҳои деҳқонӣ таъмин карда буд.