МАБЛАҒИ НАФАҚА ПУРРА ПАРДОХТА ШУД

               Душанбе, 1 сентябр. (АМИТ «Ховар», Лаззат Диловарзод).- Тибқи маълумоти «Амонатбонк» — и Ҷумҳурии Тоҷикистон маблағи аз Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолӣ пардохташуда, дар моҳҳои январ – июли соли 2009 бо назардошти бақияи аввали сол (4605,9 ҳазор сомонӣ), 299375,6 ҳазор сомониро ташкил додаст.              Шумораи нафақахӯрон то 1- уми августи соли 2009 –ум 516789 нафарро ташкил дод, ки ба ин шумораи нафақахӯрони корманд дохил нагардидааст.              Дар моҳҳои январ – июли соли соли 2009 ба нафақахӯрони вилояти МКБ ба андозаи 1680,7 ҳазор сомонӣ, вилояти Суғд-93027,2, Хатлон-104900, 5, шаҳри Душанбе – 31476,9 ва НТҶ 53090,3 ҳазор сомонӣ маблағ пардохт карда шудааст.