МУЛОҚОТИ Э. РАҲМОН БО МАРТИН МАРМИ
Душанбе, 15 сентябр. (АМИТ «Ховар», Фарангис Раҳимова). – Президенти Ҷумҳурии Тоҷикистон Эмомалӣ Раҳмон имрӯз бо Муншии умумии Иттифоқи байналхалқии нақлиёти автомобил Мартин Марми мулоқот кард. М.Марми дар фарҷоми мулоқот ба Президенти Тоҷикистон ордени ифтихории иттифоқи байналмилалии нақлиёти автомобил «Барои саҳми калон дар рушди нақлиёт ва ҳамлу нақли байналхалқии мол» — ро супорид. Президенти Ҷумҳурии Тоҷикистон Эмомалӣ Раҳмон ва муншии умумии иттифоқи байналхалқии нақлиёти автомобил М.Марми баъди анҷоми мулоқоташон ба саволҳои хабарнигорон ҷавоб доданд. Мартин Марми изҳор намуд, ки зимни сӯҳбат бо президент масъалаҳои рушди тиҷорат ва сохтмони роҳҳои мошингард мавриди баррасӣ қарор дода шуд. Инчунин дар байни Тоҷикистон ва иттифоқи мазкур меморандуми ҳамкорӣ ба имзо расид. Имзои ин ҳуҷҷат барои рушди ҳамкории дуҷониба иқдоми муҳим мебошад. Ҳадафи дигари меморандум осонтар сохтани ҷараёни ҳамлу нақли мол, гузаронидани мол аз сарҳади давлатҳои дигар, бартараф сохтани монеаҳои сунии тиҷорат дар байни мамлакатҳо ва ғайра мебошад. Таҳқиқот нишон медиҳад, ки солҳои охир барои ба расмият даровардани ҳуҷҷатҳои ҳамлу нақли мол дар сарҳадҳо 40 фоизи вақти интиқолдиҳандагони мол беҳуда сарф мешавад. Ин ҷараёни рушди ҳамкории тиҷоратиро суст мегардонад. Зимни мулоқот тадбирҳои ривоҷ додани ҳамкорӣ бо мамлакатҳои минтақа, аз чумла, Афғонистон ва Чин муҳокима шуданд. Миёнаҳои моҳи октябр дар шаҳри Душанбе бахшида ба масъалаҳои транзити мол ба Афғонистон конфронси минтаӣ гузаронида мешавад. Инчунин масъалаи соли оянда дар Душанбе гузаронидани конфронси намояндагони мамлакатҳои минтақа дар масъалаи вусъат додани тиҷорати байналхалқӣ ба воситаи нақлиёт муҳокима карда шуд. Мамлакати Шумо барои гузаронидани конфронси мазкур тасодуфан интихоб нашудааст. Зеро Тоҷикистон дар бобати ҳаллу фасли масъалаҳои марбут ба тиҷорати байналхалқии мол дар байни мамлакатҳои минтақа аз ҳар ҷиҳат намуна мебошад, гуфт Мартин Марми.
Пагоҳ иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
