МУЛОҚОТИ ВАЗИРОНИ КОРҲОИ ХОРИҶӢ ДАР БРЮССЕЛ
Душанбе, 17 сентябр. (АМИТ «Ховар», Наргис Бояхмедова). – 15 сентябр дар Брюссел мулоқоти вазирони корҳои хориҷии мамлакатҳои аъзои Иттиҳоди Аврупо ва Осиёи Марказӣ баргузор гардид. Дар он вазири корҳои хориҷии Ҷумҳурии Тоҷикистон Ҳамрохон Зарифӣ иштирок дошт. Иштирокчиёни мулоқот масъалаҳои марбут ба таъмини амнияти минтақа, энергетика, истифодаи оқилонаи об, ҳифзи муҳити зист ва таъсири бӯҳрони ҷаҳонии молиявиро ба иқтисодиёти мамлакатҳояшон муҳокима намуданд. Ҳамрохон Зарифӣ дар бораи масъалаҳои асосии таъмини амнияти минтақа сухан ронда, нақши муҳими Тоҷикистонро дар амалӣ сохтани тадбирҳои байналмилалӣ бо мақсади ба эътидол овардани вазъияти Афғонистон таъкид намуд. Қайд карда шуд, ки Ҷумҳурии Тоҷикистон дар ҳалли проблемаҳои иҷтимоию иқтисодӣ пеш аз ҳама таъмини амнияти минтақаро омили асосӣ мешуморад. Сипас вазирони корҳои хориҷӣ зимни маҳфилҳои алоҳида дар масъалаи «Обу энергетика ва ҳифзи муҳити зист дар Осиёи Марказӣ» машварат гузарониданд. Қайд карда шуд, ки барои ҳалли ин масъалаҳо вусъат додани ҳамкории минтақавӣ дар бобати истифодаи муштараки захираҳои обу энергетика ва пешрафти соҳаи гидроэнергетика зарур мебошад. Намояндагони Комиссияи Аврупо изҳор карданд, ки дар амалӣ сохтани барномаҳои гидроэнергетикии мамлакатҳои Осиёи Марказӣ саҳм гузошта метавонанд. Дар фарҷоми мулоқот барои намояндагони воситаҳои ахбори оммавӣ нишасти матбуотӣ ташкил карда шуд. Вазири корҳои хориҷии Тоҷикистон Ҳ.Зарифӣ ба намояндагии Шветсия барои ташкили мулоқот изҳори сипос намуда, зарурати рушди минбаъдаи муносибатҳои ҳамкории Осиёи Марказӣ ва Иттиҳоди Аврупоро таъкид кард.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
