МУСОБИҚАИ ВАРЗИШӢ БАХШИДА БА 15-СОЛАГИИ САРҚОНУН

                Душанбе, 22 сентября. (АМИТ «Ховар», Ибодат Давлатова). – Кумитаи ҷавонон, варзиш ва сайёҳии назди Ҳукумати Ҷумҳурии Тоҷикстон аз 23 то 27 сентябри соли ҷорӣ дар Муассисаи давлатии «Мактаби маҳорати олии варзишӣ оид ба намудҳои гуштин»-и шаҳри Душанбе Чемпионати ҶТ оид ба баскетбол байни дастаҳои мардона бахшида ба 15- солагии Сарқонуни ҶТ-ро доир менамояд.                 Тавре аз маркази матбуоти Кумитаи мазкур иттилоъ доданд, ин чорабинӣ бо мақсади тарғиби баскетбол дар ҷумҳурӣ, баланд бардоштани маҳорати касбии варзишгарон ва муайян намудани аъзои дастаи мунтахаби Ҷумҳурии Тоҷикистон баргузор мегардад.                  Дар мусобиқа ширкати дастаҳои вилоятҳои Хатлон (ду даста), Суғд (як даста), Бадахшон (як даста), шаҳри Душанбе (ду даста), шаҳри Турсунзода (як даста) ва ноҳияи Рӯдакӣ (як даста) дар назар аст.                  Ғолибон ва ҷоизадороне, ки дар ҷамъбасти мусобиқа ҷойҳои намоёнро ишғол мекунанд, бо ҷом, медалу диплом ва тӯҳфаҳои таъсисдодаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон қадрдонӣ карда мешаванд.