ТАҶЛИЛИ РӮЗИ БАЙНАЛМИЛАЛИИ ТАРҶУМОН

                 Душанбе, 29 сентябр. (АМИТ «Ховар», Людмила Дубинина). – 30 сентябр дар саросари ҷаҳон Рӯзи байналмилалии тарҷумон ҷашн гирифта мешавад.                  Рӯзи байналмилалии тарҷумон имсол дар Тоҷикистон дар факултаи забону адабиёти руси Донишгоҳи миллии Тоҷикистон таҷлил мегардад. Дар он аъзои раёсати Иттифоқи нависандагон, нависанда ва тарҷумон маъруф Ҳикмат Раҳмат, мудири кафедраи услубшиносӣ ва таҳрири Донишгоҳи миллии Тоҷикистон, профессор Баҳриддин Камолиддинов, номзади илми филология, мудири кафедраи адабиёти руси донишгоҳ Закия Муллоҷонова ва омӯзгорону донишҷӯёни мактабҳои олӣ ширкат меварзанд.                 Рӯзи байналмилалии тарҷумон имсол таҳти шиори «Тарҷума ҳамчун василаи ҳамкории байналмилалӣ» гузаронида мешавад.                   Барои иштирокчиёни он барномаҳои гуногуни фарҳангӣ тартиб дода шудаанд.                   Декани факултаи забону адабиёти руси Донишгоҳ Меҳринисо Нағзибекова ба мухбири АМИТ «Ховар» гуфт, ки рӯзи таҷлили ид тарҷумонҳои касбӣ дар ҳузури донишҷӯён сухан карда, аз таҷрибаи худ нақл хоҳанд кард. Ҳамон рӯз бахшида ба проблемаҳои омӯзиши касби тарҷумонӣ, тайёр кардани кадрҳо ва беҳтар намудани сифати тарҷума машварати мутахассисон баргузор мегардад.                  Мухбири АМИТ «Ховар» хабар медиҳад, ки Рӯзи байналмилалии тарҷумонро Федератсияи байналхалқии тарҷумонҳо соли 1991 муқаррар карда буд.