«ТОҶИКФИЛЬМ» СОҲИБИ РОҲБАРИ НАВ ШУД

                Душанбе, 29 сентябр. (АМИТ «Ховар», А. Ҳаитов).- Бо қарори Ҳукумати Ҷумҳурии Тоҷикистон аз 29 сентябри соли 2009 Маҳмадсаид Шоҳиддинович Пиров аз вазифаи директори муассисаи давлатии «Телевизиони Сафина» озод карда шуд.                Маҳмадсаид Пиров бо  Фармони Раиси Кумитаи ТВ ва радиои назди ҲҶТ  директори муассисаи давлатии «Тоҷикфилм» таъин карда шуд. Номбурда барои иҷрои як қатор нақшҳои саҳнавӣ, аз ҷумла нақши Восеъ дар филми «Ашк ва шамшер»-и таҳиягар Т.Собиров аз ҷониби коршиносон ва мутахассисони синамо сазовори баҳои арзанда шудааст.                 Бо таъин шудани М.Пиров ба вазифаи директори «Тоҷикфилм» эҳёи дубораи кинои тоҷик, барқарор кардани шӯҳрати пешина ва ҳамчунин истеҳсоли филмҳои муосири бадеӣ, ҳуҷҷативу публитсистӣ ва ҳунарӣ дар назар дошта мешавад.