ТУЛӮЪИ ХУРШЕДИ ТАМАДДУНИ ТОҶИКОН
Душанбе, 22 сентябр. (АМИТ «Ховар», Марзия Саидова).-«Ин ҷаҳонро нигар бо чашми хирад». Таҳти чунин унвон 22 сентябр бахшида ба Рӯзи Рӯдакӣ дар Китобхонаи миллии Ҷумҳурии Тоҷикистон ба номи Абулқосим Фирдавсӣ конфронси илмӣ баргузор шуд. Тибқи иттилои мудири китобхонаи миллии Тоҷикистон Шариф Тошев конфронс ба Рӯзи Рӯдакӣ, ки ҳамасола 22 сентябр таҷлил мегардад, бахшида шуда, дар он олимону адабиётшиносон ва мунаққидону донишҷӯён ширкат доштанд. Иштирокдорони конфронси илмӣ дар мавзӯҳои «Рӯдакӣ ва шӯҳрати ҷаҳонии ӯ», «Таълими проблемавии илму дониш дар осори Абӯабдуллои Рӯдакӣ», Тасвирнигорӣ дар ашъори Рӯдакӣ» ва «Китобноманигории осори Рӯдакӣ» маърӯза карда, доир ба нақши соҳибқирони назми тоҷик-Абӯабдулло Рӯдакӣ дар рушди адабиёти классикии тоҷик ибрози назар карданд. Зикр шуд, ки осори асосгузори адабиёти классикии тоҷик Абӯабдуллои Рӯдакӣ бо гузашти беш аз 1000 сол асолати худро гум накарда, шӯҳрати ҷаҳонӣ касб намудааст. Дар анҷоми конфронси илмӣ бо номи «Хуршеди тамаддуни тоҷикон ва аҳли башар» намоиши китобҳо ташкил карда шуд, ки таҷассумгари осори безаволи падари шеъри форсӣ -Абӯабдулло Рӯдакӣ буд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
