УНВОНИ ФАХРӢ БА ТАЛБАК НАЗАРОВ
Душанбе, 2 сентябр. (АМИТ «Ховар», Покиза Маҳмадбекова). — Бо қарори Шӯрои илмии Донишкадаи молиявии ҷумҳурӣ ба Талбак Назаров унвони «Профессори ифтихорӣ» — и донишкадаи мазкур дода шуд. 31 август дар вазорати молияи ҷумҳурӣ мулоқоти Т.Назаров бо омӯзгорон ва донишҷӯёни Донишкадаи молиявӣ баргузор гардид. Дар мулоқот вазири молияи ҷумҳурӣ Сафаралӣ Наҷмиддинов, доктори илми иқтисод, профессор, академик Талбак Назаров, ректори Донишкадаи молиявии ҷумҳурӣ Каримҷон Ҳусейнов, ҳайати омӯзгорон, олимон ва донишҷӯён ширкат варзиданд. Т.Назаров ба роҳбарияти донишкада барои қадрдонии хизматҳояш изҳори сипос намуда, ба донишҷӯён таҳсили аъло ва барори кор орзу намуд. Мухбири АМИТ «Ховар» хабар медиҳад, ки Талбак Назаров узви раёсати Академияи илмҳо, раиси Бунёди ҷумҳуриявии хайрияи Тоҷикистон буда, 12 сол ба Вазорати корҳои хориҷии мамлакат роҳбарӣ кардааст. Мавсуф дар замони ҳокимияти Шӯравӣ дар вазифаҳои декани факулта, ректори донишгоҳ, вазири корҳои хориҷӣ, раиси Кумитаи давлатии барномасозӣ кор карда, вакили Шӯрои олии ИҶШС интихоб шудааст.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
