ҚОСИДИ СОЗМОНИ МИЛАЛИ МУТТАҲИД
Ню – Йорк, 13 октябр. (АМИТ «Ховар» — top.rbc.ru). – Тавре мудири иҷрояи Бунёди кӯдаконаи Созмони Милали Муттаҳид (ЮНИСЕФ) хонум Энн Венеман иттилоъ медиҳад, актёри шинохтаи Ҳоливуд Орландо Блум қосиди иродаи неки Бунёди кӯдаконаи Созмони Милали Муттаҳид таъин карда шуд. Орландо Блум иҷрокунандаи нақши асосӣ дар филми машҳури «Роҳзанҳои баҳри Кариб», қаблан низ барои дар амал татбиқ кардани барномаҳои гуногуни Бунёди кӯдаконаи СММ саҳми худро гузошта буд. Бунёди кӯдаконаи СММ (ЮНИСЕФ) бо қарори Ассамблеяи Генералии СММ 11 декабри 1946 бо мақсади расонидани кӯмакҳои фавқулодда ва дастгирӣ кардани кӯдакони ҷаҳон таъсис ёфтааст. Бунёд дар 157 давлати ҷаҳон барномаҳои худро амалӣ мекунад. Ҷалби актёрҳо, варзишгарон ва дигар чеҳраҳои шинохтаи олам дар иҷрои барномаҳои Бунёди кӯдаконаи СММ, барои равона кардани таваҷҷӯҳи аҳли башар ба мушкилоти кӯдакони ҷаҳон мусоидат мекунад. Аз ҷумла то ин вақт футболбоз Дэвид Бекхем, теннисбози маъруф Роҷер Федерер, актёрон Ҷеки Чан, Роҷер Мур ва Одри Хепберн қосидони Бунёди кӯдакони СММ таъин шуда буданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
