ҶАМЪОВАРИИ 350 ҲАЗОР ТОННА ПАХТА ИҶРОШАВАНДА АСТ?

                Душанбе, 2 октябр. (АМИТ «Ховар», Лаззат Диловарзод).- Бино ба иттилои фаврии раёсати растанипарварии Вазорати кишоварзӣ, ҷамъоварии пахта аз майдони 170, 4 ҳазор гектар ба таври оммавӣ давом дорад.                Тибқи нақша, соли 2009 ҷамъоварии — 350 ҳазор тонна пахта пешбинӣ шудааст. То 29 –уми сентябр дар ҳамаи хоҷагиҳои деҳқонии пахтакор 72,6 ҳазор тонна пахта ҷамъоварӣ карда шудааст,ки он баробари 18,5 фоизи нақшаи солона мебошад.                Ҳар рӯз дар хоҷагиҳои пахтакор наздик ба 6 ҳазор тонна пахта ҷамъоварӣ мегардад. Агар ҷамъоварии пахта бо чунин суръат давом ёбад, иҷрои нақша ногузир аст.