АКТЕРҲОРО ДАР КУҶО ТАЙЁР МЕКУНАНД?

               Душанбе, 30 октябр. (АМИТ «Ховар», Людмила Дубинина). -Дар назди факултаи театрӣ-бадеии Донишкадаи давлатии санъати ба номи М.Турсунзода се студия барои омода кардани актёрон кушода шуд. Дар ин бора ректори Донишкадаи мазкур Аслиддин Низомов иттилоъ дод.                «Студияҳо барои се театри ҷумҳурӣ: театри ба номи устод Лоҳутӣ, театри ба номи В.Маяковский ва театри ба номи М.Назарови ш.Хоруғ актёр тайёр мекунад. Ба гурӯҳи русӣ 6 ва ба гурӯҳҳои тоҷикӣ 9 нафар ҷавонони лаёқатманд пас аз супоридани санҷишу имтиҳон ва гузаштан аз озмунҳои касбӣ ҷалб шуданд ва акнун онҳо аз режиссер ва актерони шинохта: Сӯҳроб Усмонов, Баҳодур Миралибеков, Тағоймурод Усмонов муддати 5 сол сабақ хоҳанд гирифт. Гузашт айёме, ки мо барои театри ба номи В.Маяковский аз дигар кишварҳо актёр меҷустем ва ё актёрҳои ҷавонро дар дигар мамлакатҳо омода мекардем, минбаъд актерҳои театр ва кинои миллӣ дар ин студияҳо ба воя хоҳанд расид», — гуфт дар хотимаи нишасти матбуотӣ Аслиддин Низомов.