БОЗОМӮЗИИ КОРМАНДОНИ ИДОРАИ НАЗОРАТИ МОЛИЯВӢ

                Душанбе, 1 октябр. (АМИТ «Ховар», Ибодат Давлатова ). – Яке аз масъалаҳое, ки мо ба мувофиқа расондем ин бозомӯзӣ ва такмили ихтисоси кормандони соҳаи назорати молиявии давлатӣ буд,- қайд намуд директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Фаттоҳ Саидов дар нишасти матбуотие, ки бахшида ба маҷлиси нӯҳуми Шӯрои роҳбарони мақомоти олии назорати молиявии давлатҳои ИДМ баргузор гардид.                 Ӯ қайд намуд, ки «мо бо сардори Палатаи назорати молиявии Федератсияи Русия Сергей Степашин ба ифоқа расидем, ки аз ҳамин сол сар карда дар донишгоҳҳои Русия, аз он ҷумла дар институти илмии таҳқиқотие, ки дар назди палатаи ҳисоботӣ аст бозомӯзии кормандони идораи назорати молиявии моро ба роҳ монем».                 Инчунин, иштирокчиён оид ба нақши мақомоти олии назорати молиявии давлатҳои ИДМ дар бартараф сохтани оқибатҳои бӯҳрони ҷаҳонии молиявӣ ва иқтисодиро муҳокима намуданд, ва қайд гардид, ки ҷаласаи навбатӣ соли 2010 дар шаҳри Арманистон баргузор мегардад.                Бояд қайд намуд, ки раёсати Шӯрои роҳбарони мақомоти олии назорати молиявии давлатҳои ИДМ дар давраи навбатӣ ба зиммаи Ҷумҳурии Тоҷикистон гузошта шуд.