ДАР ДУШАНБЕ ВА ХУҶАНД ҶИНОЯТКОРОНИ ҒОРАТГАРИ НУҚТАҲОИ АСЪОР АМАЛ МЕКУНАНД
Душанбе, 6 октябр. (АМИТ «Ховар», Лаззат Диловарзод).- Бино ба иттилои сардори маркази матбуоти Вазорати умури дохила Маҳмадулло Асадуллоев, шахсияти қотили корманди нуқтаи мубодилаи асъори воқеъ дар кӯчаи Рӯдакӣ рухдода аниқ карда мешавад.Ёдовар мешавем, ки 23 – юми сентябри соли ҷорӣ корманди нуқтаи мубодилаи асъор рӯзона ҳангоми иҷрои вазифааш аз ҷониби ҷинояткори барои тафтишот маълумшуда ба қатл расонида шуда буд. Ҷинояти содиршуда дар асоси хусуматҳои шахсӣ ба амал омадааст. Пули дар хазинабударо ҷинояткор бо худ набурдааст. Дар ибтидои тобистони соли ҷорӣ боз ду ҷиноят бо куштору ғорати нуқтаҳои асъор дар шаҳри Душанбе ба қайд гирифта шуда буд. Чуноне, ки имрӯз сардори маркази матбуоти Вазорати умури дохила иттилоъ дод аз рӯи ҷиноятҳои содиршуда се нафар гумонбар дастгир гардидааст ва тафтишот давом дорад. Дар сурати ошкор шудани ҷиноятҳо иловатан маълумот пахш карда мешавад. — Ҳоло ҳаминро гуфтан мумкин аст, ки бо содир кардани ин ҷиноятҳои мудҳиш беш аз 1 миллион сомонӣ аз нуқтаҳои мубодилаи асъор дар шаҳрҳои Душанбе ва Хуҷанд ба ғорат бурда шудааст,- иброз доштанд аз маркази матбуоти вазорат.
Имрӯз дар шаҳри Душанбе ҳаво то 37 дараҷа гарм мешавад
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Шоири афғонистонӣ Аҳмад Ҳанойиш дар васфи Пешвои тоҷикони ҷаҳон Эмомалӣ Раҳмон меҳрнома навишт
Тоҷикистон ба таъмини пайвастагии конфронсҳои СММ оид ба об дар солҳои 2023, 2026 ва 2028 даъват намуд
Имрӯз дар шаҳри Душанбе ҳаво то 39 дараҷа гарм мешавад
ТАҚВИМИ АМИТ «ХОВАР»: имрӯз 28 август, ҷумъа, 240-умин рӯзи соли 2026 аст
Имрӯз дар водиҳои Тоҷикистон ҳаво то 39 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
