ДАЪВАТИ ИҶЛОСИЯИ ШАҲРӢ
Душанбе, 2 октябр.(АМИТ «Ховар», Марзия Саидова).- 15 октябри соли 2009 дар шаҳри Душанбе иҷлосияи 19-уми Маҷлиси вакилони халқи шаҳри Душанбе даъвати сеюм баргузор мегардад. Дар ин хусус Раиси шаҳри Душанбе Маҳмадсаид Убайдуллоев қарор имзо намуд. Дар иҷлосия муовинони Раиси шаҳри Душанбе Маъруф Сайфиев ва Санавбар Раҳимова оид ба ҷараёни иҷрои Қарорҳои Маҷлиси вакилони халқи шаҳри Душанбе доир ба Барномаи мусоидат ба шуғли аҳолии шаҳри Душанбе барои солҳои 2008-2009 ва амалӣ намудани сиёсати стратегия паст кардани сатҳи камбизоатӣ ва Барномаи инкишофи соҳаи маорифи пойтахт барои солҳои 2006-2010 ва вазифаҳои Мақомоти иҷроияи маҳаллии ҳокимияти давлатӣ ва аҳли ҷамоатчигии пойтахт вобаста ба соли 2010 эълон гардидани соли маориф ва фарҳанги техникӣ ҳисобот медиҳанд. Аз хадамоти матбуоти Раиси шаҳри Душанбе ба АМИТ «Ховар» иттилоъ доданд, ки ба Қарори Маҷлиси вакилони халқи шаҳри Душанбе «Дар бораи ташкили захираи молиявӣ барои сохтмони манзил» тағйирот ворид карда мешавад. Интизор аст, ки як қатор Қарорҳои Раиси шаҳри Душанбе дар ҷараёни иҷлосия тасдиқ хоҳанд шуд.
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
