КИТОБИ ПРЕЗИДЕНТИ ҚАЗОҚИСТОН БА ЗАБОНИ ТОҶИКӢ ТАРҶУМА ШУД

                  Душанбе, 26 октябр. (АМИТ «Ховар», Людмила Дубинина).- 23 октябр дар Душанбе дар китобхонаи миллии Тоҷикистон ба номи А. Фирдавсӣ дар доираи маҳфили адабӣ-мусиқии «Айни-Абай», ки бо ташаббуси Сафоратхонаи Ҷумҳурии Қазоқистон дар Ҷумҳурии Тоҷикистон, вазорати фарҳангӣ Тоҷикистон, китобхонаи миллии Тоҷикистон, ҷамъияти дустии «Тоҷикистону-Қазоқистон» ва маркази фарҳангии «Байтерек» доир гардид, муаррифии китоби Президенти Қазоқистон Нурсултон Назарбоев бо номи «Евроосиё», «Роҳи Қазоқистон» гузаронида шуд. Инчунин китобҳо бо забонҳои тоҷикию русӣ «Муносибатҳои Қазоқистону Тоҷикистон: 15 соли дустӣ ва ҳамкорӣ», «Қазоқистон кишвари пешрафт ва шукуфон, сулҳ ва ҳамбастагӣ» нашри махсуси «Қазоқистон-Тоҷикистон дар роҳи ҳамкориҳои мутақобилан судманд» муаррифӣ карда шуданд.                   Китоби «Роҳи Қазоқистон» ба забони тоҷикӣ тарҷума ва бо ташаббуси Сафоратхонаи Ҷумҳурии Қазоқистон дар Тоҷикистон ба чоп дода шудааст. Китобро муовини вазири фарҳанг Абдуғаффор Абдуҷабборов тарҷума кардааст.