КОРИ ТАФТИШОТИИ БОЗ ЯК РАИСИ ПОРАХӮР АНҶОМ ЁФТ

                 Душанбе, 19 октябр. (АМИТ «Ховар», Лаззат Диловарзод).- Бино ба иттилои як масъули Агентии назорати давлатии молиявӣ ва мубориза бо коррупсияи вилояти Хатлон, кори тафтишотии раиси хоҷагии «Насим» -и ноҳияи Қумсангир Файзалӣ Раҳимовро оид ба тақсими замини наздиҳавлигӣ барои сохтмон ва гирифтани пора анҷом ёфта ба суд ирсол гардид.                Шаҳрванд Н. ба Агентии назорати давлатии молиявӣ ва мубориза бо коррупсияи вилояти Хатлон бо ариза дар бораи гирифтани 2 ҳазор доллари амрикоӣ барои 8 сотих замин аз болои раиси хоҷагии деҳқонии «Насим» Файзалӣ Раҳимов муроҷиат намуд. Агентӣ баъди тафтиши қазия парвандаи ҷиноиро нисбати Ф. Раҳимов ба анҷом расонида, онро барои моҳиятан дида баромадан ба суд пешниҳод намуд. Дар суд аз рӯи парвандаи мазкур мурофиа оғоз шудааст.