МАНСАБДОРОН ОИДИ МОЛУ МУЛКАШОН ЭЪЛОМИЯ ПЕШНИҲОД МЕНАМОЯНД
Душанбе, 28 октябр.(АМИТ «Ховар», Марзия Саидова).-28 октябр вакилони Маҷлиси намояндагони Маҷлиси Олии Ҷумҳурии Тоҷикистон ду Қонуни конститутсионии Ҷумҳурии Тоҷикистон –«Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон» ва «Дар бораи мақомоти маҳаллии ҳокимияти давлатӣ»-ро баррасӣ ва қабул намуданд. Масъалаҳои мазкурро Сардори раёсати хизмати давлатии назди Президенти Ҷумҳурии Тоҷикистон Ҷумъахон Давлатов шарҳ дода гуфт, ки мақсад аз ворид намудани тағйиру иловаҳо ба қонунҳои конститутсионӣ тақвияти сохтори дастгоҳҳои раисони вилоятҳо, шаҳру ноҳияҳо, танзими аниқ намудани масъалаи идоракунии давлатӣ дар маҳалҳо мебошад. Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон» 12 майи соли 2001 қабул карда шудааст. Дар асоси он аъзои Ҳукумати Ҷумҳурии Тоҷикистон, яъне хизматчиёни давлатӣ ҳангоми ба вазифа таъини шуданашон ба ҷои кор ва ба мақомоти андоз эъломия оиди молу мулкашон пешниҳод менамоянд. Инчунин, андози маоши мансабӣ, шартҳо, тартиби пардохти музди меҳнат, давомнокии рухсатии меҳнатӣ, иловапулӣ барои рутбаҳои тахассусӣ аз ҷониби Президенти Ҷумҳурии Тоҷикистон мутобиқи қонунгузорӣ муайян карда мешавад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
