МУСОБИҚА ДАР АНАПА

                 Душанбе, 8 октябр. (АМИТ «Ховар», Пайрав Назаров).- Аз Мактаби кӯдакону наврасони захираҳои Олимпии Ҷумҳурӣ ба АМИТ «Ховар» хабар доданд, ки варзишгарони тоҷик Меҳроҷиддин Каримов ва Ораз Афзалшоев муддати 2 ҳафта дар ҳамбастагӣ бо дастаи варзишгарони Федератсияи Русия оид ба бокс дар шаҳри Анапа машқҳо мегузаронанд.                     Дар ин ҷо аз 22 то 29 октябр мусобиқаи 2-юми байналмилалии байни боксчиёни навраси соли таваллудашон 1991-1992 баргузор мегардад, ки дар он варзишгарони тоҷик иштирок мекунанд.                 Меҳроҷиддин Каримов- ин умеди бокси тоҷик аст. Вай ҳоло 17 сола нест, аммо қади ӯ 2 м. 18 сантиметрро ташкил медиҳад, ки ин 5 сентиметр баландтар аз қади варзишгари рус Николай Валуев мебошад.