ОҚИЛ ОҚИЛОВ ДАР ХОРУҒ

                  Бадахшон, 16 октябр. (АМИТ «Ховар», Л. Додо).- 16-уми октябр Сарвазири Ҷумҳурӣ Оқил Оқилов бо сафари корӣ ба Вилояти Мухтори Кӯҳистони Бадахшон омад.                   Хабарнигори АМИТ «Ховар» аз Хоруғ иттилоъ дод, ки Сарвазири ҷумҳурӣ худи ҳамин рӯз аз ҷараёни сохтмони як қатор иншооти ҷашнӣ, ки ба муносибати Рӯзи Ваҳдати миллӣ сохта мешаванд, дидан намуд.                     17 октябр О. Оқилов дар маросими таҷлили 110-солагии Қаҳрамони Тоҷикистон, яке аз барпокунандагони фаъоли Ҷумҳурии Тоҷикистон Шириншоҳ Шоҳтемур иштирок менамояд. Сарвазири мамлакатро дар сафар роҳбарону намояндагони як қатор вазорату идораҳои ҷумҳурӣ ҳамроҳӣ менамоянд.