ПАЛАТАИ САВДО ВА САНОАТИ ТОҶИКИСТОН СУДИ ҲАКАМИРО ДАСТГИРӢ МЕКУНАД
Душанбе, 7 октябр. (АМИТ «Ховар», Покиза Маҳмадбекова). — Имрӯз дар Палатаи савдо ва саноати Ҷумҳурии Тоҷикистон оид ба натиҷаҳои фаъолияти 9 моҳаи Палата нишасти матбуотӣ баргузор гардид. Тавре муовини аввали Раиси Палата Одил Сангов изҳор кард, айни ҳол Палатаи савдо ва саноати Ҷумҳурии Тоҷикистон бо 182 Палатаи савдои кишварҳои хориҷӣ созишномаи ҳамкорӣ ба имзо расонидааст. Ҳамчунин дар хориҷи кишвар зиёда аз 40 намояндагии Палата фаъолият дорад. Дар давраи ҳисоботӣ бо соҳибкорони хориҷӣ, намояндагони сафоратхонаҳо, созмонҳои байналмиллалӣ зиёда аз 30 вохӯрӣ барпо карда шуд. Бо Федератсияи палатаи саноат ва савдои Ҷумҳурии исломии Покистон, палатаҳои савдои ҷумҳуриҳои Афғонистону Ҳиндустон меморандум дар бораи ҳамкорӣ ба тасвиб расонида шуд. Дар ҳудуди ҷумҳурӣ 2 намоишгоҳи хориҷӣ бо иштироки соҳибкорон аз кишвари ҳамсояи Афғонистон ва минтақаи Қошғари Ҷумҳурии Халқии Хитой ва моҳи июл бизнес-форуми соҳибкорони Латвия баргузор карда шуд. « — Дар назди Палатаи савдо ва саноати ҷумҳурӣ Маркази дастгирии ҳуқуқӣ барои рушди Суди ҳакамӣ ва Суди байналмиллалии тиҷорат, инчунин ҶММ «Сайёҳ — Бозаргон» фаъолият мекунанд. Бо мусоидати Палата Ассотсиатсияи рақамии «GSI – Tаджикистан» — нишонагузории мол кушода шуд, — гуфт дар хотима Одил Сангов.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
