ПРЕЗИДЕНТИ АВВАЛИН ҚАТЛ ШУДА БУД?
Тифлис, 21 октябр. (АМИТ «Ховар» — top.rbc.ру). – Бо ташаббуси пешвои ҳизби оппозитсионии «Картули даси» Ҷонди Багатурия парлумони Гурҷистон барои омӯзиши муфассали марги аввалин президенти Гурҷистон Звиад Гамсахурдиа комиссияи порлумонии тафтишотӣ таъин кард. Ҷонди Багатурия дар баромади худ қайд намуд, ки «Солҳои 1991 – 1992 ҳукумати бо роҳи қонунӣ интихобшуда ба тариқи зӯрӣ ва бо истифода аз силоҳ барканор карда шуд. Дар натиҷа мамлакат ба гирдоби ҷанги шаҳрвандӣ гирифтор гардид. Президент Гамсахурдиа таҳти таъқиб қарор гирифта, оқибат ба марг дучор шуд». Звиад Гамсахурдиа аввалин президенти Гурҷистон дар солҳои 1990 – 1992 буд. 31 декабри соли 1993 Гамсахурдиа дар деҳаи Ҷихашкари воқеъ дар қисмати ғарбии Гурҷистон дар ҳолатҳои номаълум фавтид. Мувофиқи баъзе фарзияҳо ӯ ба худкушӣ даст зада буд, аммо бо фарзияи дигар Звиад Гамсахурдиа аз тарафи шахсони номаълум қатл гардидааст. Моҳи феврали соли 1994 бо талаби ҳамсари собиқ президент ҷасади ӯро аз Гурҷистон бароварда дар Чеченистон ба хок супорида буданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
