РИШВАГИРОН ПАНД НАМЕГИРАНД

                 Душанбе, 2 октябр. (АМИТ «Ховар», Лаззат Диловарзод).- — Тафтиши парвандаи ҷиноии корманди афсари госпитали низомии шаҳри Чкаловск давом дорад, — иброз дошт сардори маркази матбуотии Вазорати умури дохила Маҳмадулло Асадуллоев.                  Боис ба ёдоварист, ки кормандони хадамоти минтақавии Раёсати мубориза ба муқобили ҷиноятҳои муташаккилонаи Вазорати корҳои дохилии дар вилояти Суғд буда, бо гумони даст доштан дар ришвагирӣ, полковники хадамоти тиббӣ Одилҷон Ҳодибоевро ҳангоми гирифтани пора барои пеш аз мӯҳлат озод намудани хизматчии ҳарбӣ Фаррух Шарипов ба маблағи 2 ҳазор доллар дастгир намуданд. Айни замон тафтишоти парвандаи ҷиноии Одилҷон Ҳодибоев давом дорад. Гарчӣ ин мавзӯъ тавассути матбуоти даврӣ пайваста пайгирӣ шуда порагирон зиндонӣ мешаванд, аммо аз чӣ бошад, ки ин амали номатлуб панди дигарон намегардад.