РУСИЯ ДАР ТОҶИКИСТОН НФС БУНЁД МЕКУНАД

                  Маскав, 29 октябр. (АМИТ «Ховар» — ИТАР-ТАСС). – Тавре сарвари ширкати Русиягии «Ростнефт» Сергей Богданчиков ба рӯзноманигорон иттилоъ дод, ширкати мазкур ният дорад дар пойтахти Тоҷикистон шаҳри Душанбе якчанд нуқтаҳои бузурги муосир барои фурӯши сӯзишворӣ бунёд кунад. Ҳамчунин ширкати «Роснефт» мехоҳад барои иштирок кардан дар таъмир ва таҷдиди комплекси сӯзишвории фурӯдгоҳи Душанбе бо идораҳои дахлдор ҳамкорӣ кунад.                  С. Богданчиков нақшаҳои ширкатро барои вуруд шудан ба бозори Осиёи Марказӣ тасдиқ намуда, қайд кард, ки ширкат корхонаи нахустини худро бо номи «Ростнефт – Средная Азия» дар Тоҷикистон ифтитоҳ мекунад.                 «Ҳоло мо бо намояндагони Ҳукумати маҳаллӣ доир ба ҷудо кардани замин барои сохтмони НФС гуфтушунид карда истодаем», — илова кард сарчашма.