ТАНҲО 65 ФОИЗИ ТЕХНИКАИ КИШОВАРЗӢ КОРШОЯМ АСТ

                Душанбе, 28 октябр. (АМИТ «Ховар», Лаззат Диловарзод).- То моҳи октябри соли 2009 дар корхонаҳои кишоварзӣ ва хоҷагиҳои деҳқонӣ (фермерӣ) 14 ҳазору 760 адад тракторҳои гуногунтамға мавҷуд буда, 9556 адад ё худ 65 фоизи онҳо дар ҳолати коршоямӣ қарор доранд. Коршоямии тракторҳо нисбат ба ҳисоби миёнаи ҷумҳурӣ дар хоҷагиҳои вилояти Хатлон (60 фоиз), ноҳияи Варзоб (43 фоиз), Турсунзода (48 фоиз), Файзобод (49 фоиз), Ҷиргатол (60 фоиз) ва Тоҷикобод (63 фоиз) кам мебошад.                Аз 2997 тракторҳои шудгоркунанда танҳо 1766 – тои онҳо омодаи кор мебошад, ки ин баробари 59 фоиз мебошад. Ин нишондиҳанда дар ноҳияҳои вилояти Хатлон ба 53 фоиз, ва дар ноҳияҳои тобеи ҷумҳурӣ ба 49 фоиз баробар аст.