ДАР ПАНҶ СОЛ БУҶЕТИ ҶУМҲУРӢ ЧАҲОР МАРОТИБА АФЗОИШ ЁФТААСТ
Душанбе, 3 ноябр. (АМИТ «Ховар», Покиза Маҳмадбекова). — Имрӯз таҳти раёсати муовини аввали Раиси Маҷлиси намояндагони Маҷлиси Олии Ҷумҳурии Тоҷикистон Сафар Сафаров ҷаласаи гурӯҳи кори оид ба баррасии Лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010» баргузор гардид. Сафар Сафаров Лоиҳаи қонуни мазкурро идомаи мантиқии Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2009» унвон карда, аз тамоми ширкаткунандагон даъват кард, то дар баррасии бандҳои алоҳидаи он ба таври ҷидди муносибат намуда, дар такмилу пурра сохтани он саҳми назаррас гузоранд. Муайян кардани сабабҳои асосии кам гардидани андози аксизӣ аз маҳсулоти дар дохили ҷумҳурӣ истеҳсолшавана, нишондиҳандаҳои макроиқтисодӣ ва қурби асъори миллӣ нисбат ба асъори хориҷӣ, ки дар Лоиҳаи буҷети соли 2010 пешниҳод шудаанд, яке аз эродҳои вакилони Маҷлиси Намояндагон мебошад. Кумитаҳои Маҷлиси намояндагон пешниҳод карданд, ки дар шароити бӯҳрони ҷаҳонии молиявӣ ва иқтисодӣ сарчашмаҳои даромади буҷет бояд мавриди таҳлили ҳамаҷониба қарор гирифта, даромади умумӣ ба буҷет зиёд гардад. Ҳамчунин тавсия дода шуд, ки андози аксизӣ нисбат ба спирти этилӣ, машрубот ва тамоку дубора баррасӣ шавад. Вазири молияи Ҷумҳурии Тоҷикистон Сафаралӣ Наҷмуддинов вобаста ба пешниҳоду эродҳои вакилони Маҷлиси Намояндагон ва гурӯҳи корӣ суханронӣ намуда, таъкид кард, ки таҳияи буҷети соли 2010 нисбат ба буҷети солҳои қаблӣ бо таваҷҷӯҳ ба бӯҳрони ҷаҳонии молиявӣ ва баланду паст гардидани нархи маҳсулот дар бозори дохилию хориҷӣ каме мушкилтар ба даст омад. Мавсуф саҳми вакилони Маҷлиси Намояндагонро дар таҳия, баррасӣ ва такмили ҳамаҷонибаи Лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010» муҳим арзёбӣ кард. С. Наҷмуддинов афзуд, ки тайи панҷ соли охир буҷети ҷумҳурӣ чаҳор маротиба афзоиш ёфтааст, ки ин дастоварди беназири кишвари мо ба шумор меравад.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
