Э. РАҲМОН АЗ ҶАЯЛАТ ВИРАККОДУ ЭЪТИМОДНОМА ҚАБУЛ НАМУД

                     23-юми ноябри соли 2009 Президенти Ҷумҳурии Тоҷикистон Эмомалӣ Раҳмон аз Сафири фавқулодда ва мухтори Давлати Шри Ланка дар Тоҷикистон Ҷаялат Вираккоду эътимоднома қабул намуд.                    Зимни сӯҳбати Сарвари давлат бо сафири нав Ҷаялат Вираккоду масоили кунунӣ ва дурнамои ҳамкории Тоҷикистону Шри Ланка баррасӣ шуд.                  «Густариш ва таҳкими равобит бо кишварҳои минтақаи Осиёи Ҷанубӣ самти муҳими сиёсати хориҷии Тоҷикистон аст ва ба кишвари дӯсти Шри-Ланка мо таваҷҷӯҳи хос дорем», — изҳор дошт дар оғози сӯҳбат Президенти мамлакат Эмомалӣ Раҳмон .                   Густариши робитаҳо дар соҳаҳои сиёсӣ, иқтисодӣ, тиҷоратӣ, кишоварзӣ, фарҳангӣ ва ғайра дорои дурнамои умедбахш арзёбӣ гардид. Барпо намудани равобити муназзами сиёсӣ, аз ҷумла дар сатҳи олӣ ва вазорату идораҳо ва омода кардани заминаи ҳуқуқию қарордодии ҳамкориҳои дуҷониба зарур ва саривақтӣ шумурда шуд.