МАРКАЗИ БАЙНАЛХАЛҚИИ КАЙҲОНШИНОСӢ ДАР ТОҶИКИСТОН ФАЪОЛИЯТ МЕКУНАД

                 Душанбе, 11 ноябр. (АМИТ «Ховар» — kremlin.ru.). — Президенти Русия Дмитрий Медведев Қонуни федеролӣ «Дар бораи тасдиқи Созишнома миёни Ҳукумати Ҷумҳурии Тоҷикистон ва Ҳукумати Федератсияи Русия оид ба таъсис ва фаъолияти Маркази илмӣ — тадқиқотии байналхалқии «Помир — Чақалтой» — ро ба имзо расонид. Қонуни мазкур 29 октябри соли 2009 аз тарафи Думаи давлатӣ қабул ва 30 октябр аз тарафи Шӯрои Федератсия дастгирӣ карда шудааст. Аз ҷониби Тоҷикистон ҳуҷчатҳои зарурӣ оид ба фаъолияти ин Марказ қаблан ба тасвиб расида буд.                  Мутобиқи ин Созишнома Маркази илмӣ — тадқиқотии байналхалқии «Помир — Чақалтой» барои истифодаи на танҳо олимони Тоҷикистону Русия, балки барои ҳамаи мутахассисони соҳаи кайҳоншиносӣ, тадқиқотчиёни астрофизикӣ, атомӣ ва нурҳои кайҳонии кулли сайёра пешбинӣ шудааст. Дастгоҳ ҳанӯз дар даврони ИҶШС сохта шуда буд, аммо истифодаи босамари он дар айёми истиқлолияти давлатии Тоҷикистон имконпазир гардид.