ОМӮЗГОРИ АСИЛ

                 Хоруғ, 9 ноябр. (АМИТ «Ховар», Л. Додо).- Матбааи рақами 6-и шаҳри Москва китоби «Омӯзгори асил»-ро интишор додаст, ки он зиндагиномаи яке аз нахустин хатмкардаҳои Донишгоҳи халқҳои шарқи шаҳри Ленинград Давлаталӣ Шабдолов мебошад. Китоб 318 саҳифа дошта, бо теъдоди 500 нусха чоп шудааст.                  Давлаталӣ Шабдолов яке аз нахустин шахсоне буд, ки чароғи илму маърифатро дар қалби фарзандони ВМКБ барафрӯхта буд. Ба хотири хизматҳои шоёнаш дар рушди маорифи вилоят ба унвони «Муаллими хизматнишондодаи СССР», «Муаллими хизматнишондодаи мактаби РСС Тоҷикистон» мушарраф гардидааст.                     Мураттиби китоб номзади илми таърих устоди Донишгоҳи омӯзгории ба номи С. Айнӣ рӯзноманигор Ҷонибеки Қозибек беҳтарин очеркҳои рӯзноманигорон хотироти ҳампешагон, пайвандон ва онҳое, ки ӯро хуб мешинохтанд дар «Омӯзгори асил» ҷой додаанд.