ПОЙГА БА МУНОСИБАТИ РӮЗИ ПАРЧАМИ ДАВЛАТӢ

                  Душанбе, 23 ноябр. (АМИТ «Ховар», Кристина Эрлих). – Бо ташаббуси Федератсияи варзиши сабуки мамлакат ва ширкати алоқаи телефонии «МЛТ» 21 ноябр дар Боғи фарҳангу фароғатии ба номи С.Айнӣ пойгаи миллӣ оғоз ёфт. Дар пойга варзишгарони ҷавон ва собиқадорони варзиш иштирок намуданд.                    Роҳбари Федератсияи варзиши сабуки ҷумҳурӣ Дилшод Назаров дар маросими ифтитоҳи пойга изҳор намуд, ки чунин тадбирҳо барои пешрафти соҳаи варзиш, ба роҳ мондани тарзи ҳаёти солим ва ба майдон овардани варзишгарони ҷавон кӯмаки калон мерасонанд.                    Мухбири АМИТ «Ховар» хабар медиҳад, ки ғолибони пойга ба тӯҳфаҳои хотиравии ширкати «МЛТ» сазовор гардиданд.