ҚАФАСҲОИ НАВИ МОҲИПАРВАРӢ

                  Душанбе,16 декабр. (АМИТ «Ховар», Лаззат Диловарзод).- Бино ба маълумоти корхонаи воҳиди давлатии «Моҳии Тоҷикистон», бо дастгирии ташкилоти озуқа ва кишоварзии СММ (ФАО, ООН) дар обанбори Норак ба маблағи 25 ҳазор доллари амрикоӣ 2 қафас барои парвариши моҳии молӣ сохта ба истифода дода шуда, дар онҳо беш аз 500 ҳазор кирминамоҳичаҳо парвариш карда мешаванд.                    Бо иттилои ҳамин манбаъ, ташкилоти озуқа ва кишоварзии СММ ҳамчунин барои парвариш ба ҶДММ «Форел» ва хоҷагии деҳқонии «Гулмоҳӣ» -и шаҳри Ваҳдат 300 ҳазор дона тухми бордоршудаи гулмоҳиро, ки 6 ҳазор доллари амрикоӣ қиммат дорад, интиқол намуд.                    Боиси тазаккур аст, ки методи нави дар қафас парвариш намудани кирминамоҳичаҳо, ки дар обанбори Норак парвариш меёбанд имкон медиҳад, ки миқдори моҳӣ дар давоми 1 -2 сол беталаф ба садҳо миллион дона расонида шавад.