ҶОНИБДОРӢ АЗ МУРОҶИАТНОМА

                     Хоруғ, 15 декабр. (АМИТ «Ховар», Лутфишо Додо). – Муроҷиатномаи Президенти Ҷумҳурии Тоҷикистон Эмомалӣ Раҳмон ба мардуми кишвар баҳри саҳмгузори дар бунёди Нерӯгоҳи барқии обии «Роғун» аз ҷониби тамоми табақаҳои ҷомеа, мавриди дастгири қарор гирифт. Ташаббуси Президенти мамлакат Эмомалӣ Раҳмон оид ба ҷабҳаи заҳмати созанда ба хотири ободии Ватан, эълон гаштани майдони сохтмони Роғун дар ВМКБ низ ҷонибдорӣ ёфт. Тавре садри созмони ғайри давлатии «Мадина» Набот Додихудоева иттилоъ дод, вай ҳамроҳи шавҳараш маслиҳат карда, ба хулосае омаданд, ки барои се нафар фарзандонашон панҷтогӣ, яъне дар маҷмӯъ понздаҳ адад саҳмияро мехаранд.