1700 СОМОНӢ БАРОИ ХОМӮШ НАКАРДАНИ БАРҚ

                   Душанбе, 17 декабр. (АМИТ «Ховар», Бекназари Абӯбакр). — Рўзи 23 октябри соли 2009 нозири калони назорати барқӣ дар минтақаи Истаравшани ноҳияи Зафаробод Тухтамышев Узоқбек Ҷуманазарович, аз ҳадди ваколатҳои мансабии худ баръало берун баромада, бо роҳи қаллобию фиреб тасарруф намудани амволи ғайр, аз аъзоёни хоҷагии деҳқонии «Уяс»-и ноҳияи Истаравшан барои хомӯш накардани барқ 1700 сомонӣ гирифта, онро тасарруф намудааст.                   Дар шӯъбаи пешгирии коррупсияи Агентии назорати давлатии молиявӣ ва мубориза бо коррупсияи ҶТ ба АМИТ «Ховар» иттилоъ доданд, ки нисбати Тухтамышев У.Ҷ. аз руйи моддаи 314 қ.1 Кодекси ҷиноии ҶТ парвандаи ҷиноятӣ аз тарафи Раёсати Агентии назорати молиявӣ ва мубориза бо коррупсияи ҶТ дар вилояти Суғд оғоз карда шуда, чораҳои қонунӣ андешида шуда истодааст.