447 МИЛ.ДОЛЛАРИ ИМА БАРОИ ПАСТ КАРДАНИ САТҲИ КАМБИЗОАТӢ
Душанбе, 17 декабр. (АМИТ «Ховар», Покиза Маҳмадбекова). — Дар вазорати рушди иқтисод ва савдои мамлакат Созишномаи барномаи СММ доир ба расонидани кӯмак барои рушд дар давраи солҳои 2010-2015 ва Нақшаи ҳамкориҳо миёни Вазорати рушди иқтисод ва савдои Ҷумҳурии Точикистон ва Барномаи Рушди СММ ба тасвиб расид. Барои амалӣ кардани ин барномаҳои СММ ба Тоҷикистон то соли 2015 447 миллион доллари ИМА кӯмак расонида мешавад. Тавре ҳамоҳангсози доимии СММ Майкл Ҷонсон изҳор кард, маблағи ин барномаҳо дар чор самт: поин бурдани сатҳи камбизоатӣ ва идораи босамар, амнияти озуқаворӣ, оби тоза, ҳифзи муҳити зист истифода мешаванд. «Тадқиқоти охирин барои муайян кардани сатҳи камбизоатӣ дар Тоҷикистон аз тарафи Бонки ҷаҳонӣ соли 2007, яъне пеш аз буҳрони молиявии ҷаҳонӣ гузаронида шудааст, бинобар ҳамин мувофиқи пешгӯии мутахассисон Тоҷикистон дар соли 2010 таъсири манфии буҳрони ҷаҳониро эҳсос хоҳад кард.Аммо, солҳои минбаъда вазъият бо тадриҷ беҳтар мешавад», — қайд кард вазири рушди иқтисод ва савдои Ҷумҳурии Тоҷикистон Фаррух Ҳамралиев.
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
