А.НУРАЛИЕВ: «АХБОРИ МУҲИМИ АҲАМИЯТИ ҶАМЪИЯТӢ ДОШТА НА БОЯД ПУЛАКӢ БОШАД»
Душанбе, 15 декабр.(АМИТ «Ховар», Таҳмина Ғойбназарова). — Дирӯз дар толори бинои Иттифоқи журналистони Тоҷикистон Қарори Ҳукумати Ҷумҳурии Тоҷикистон аз 31 октябри соли ҷорӣ «Оид ба тартиби ҷуброн намудани хароҷоте, ки бо пешниҳод намудани иттилоот ба мақомоту ташкилотҳо алоқаманд аст», баррасӣ гардид. Тавре ба мухбири АМИТ «Ховар» иштирокчии маҳфил корманди Ассотсиатсияи миллии ВАО мустақили Тоҷикистон Абдуфаттоҳ Воҳидов иттилоъ дод, аксари журналистон Қарори мазкури Ҳукуматро ба кафолатҳои ҳуқуқии ВАО мухолиф ва барои дастрасӣ ба маълумоти фаврӣ ва саҳеҳ садд меҳисобанд. Хусусан масъалаи пардохти маблағ барои иттилоъ, мавриди муҳокимаи шадид қарор гирифт. «Ахбори муҳими аҳамияти ҷамъиятӣ дошта на бояд пулакӣ бошад, — изҳор дошт профессори Донишгоҳи славянии Тоҷикистон Абдусаттор Нуралиев. — Тавре ки аз Сарқонуни Ҷумҳурии Тоҷикистон, Қонун дар бораи матбуот ва воситаҳои дигари ВАО бармеояд, барои ҳар шаҳрванд ҷустани маълумот кафолат дода мешавад. Бо вуҷуди доштани чунин ҳуқуқ журналистон дар гирифтани иттилоот ба мушкилӣ дучор меоянд. Сабаби ба мушкилӣ рӯ ба рӯ шудани журналистон муносибати сарди мансабдорони давлатӣ мебошад. Онҳо додани маълумотро барои журналистон зарур намешуморанд. Дар навбати худ Амри Президенти мамлакат таҳти рақами 622 дар бораи вокуниши шахсони мансабдор ба мақолаҳои таҳлилӣ ва танқидӣ нуфузи васоити ахбори оммаро боло бурд. Муфовиқи фармони мазкур вазорату идораҳо вазифадор шудаанд, ки натиҷаҳои фаъолияти худро дар ҳузури журналистон дар конфронсҳои матбуотӣ ҷамбаст намоянд. Пас аз интишори ин Амри сарвари давлат аксарияти ташкилоту муассисаҳои давлатӣ саҳифаҳои интернетӣ кушода, маълумоти заруриро оид ба фаъолияти кори худ ҷой дар он ҷой дода буданд. Бинобар ҳамин ахбори муҳими аҳамияти ҷамъиятӣ дошта бояд пулакӣ набошад, зеро дастрасӣ ба иттилоот бо Амри Президенти мамлакат кафолат дода шудааст, — мегӯяд профессор А.Нуралиев.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
