ДАСТАИ ДОНИШҶӮЁНИ БИНОКОР БА РОҒУН ФИРИСТОДА МЕШАВАД
Душанбе, 29 декабр. (АМИТ «Ховар», Таҳмина Ғоибназарова). — Омӯзгорон ва кормандони Донишгоҳи технологии Тоҷикистон қарор доданд, ки 25 фоизи маоши моҳи декабри худро ба маблағи 61 ҳазор сомонӣ ба ҳисоби сохтмони НБО «Роғун» гузаронанд. Илова бар ин, аз ҳисоби маблағҳои сарфакардаи донишгоҳ барои расондани кӯмак ба сохтмони ин иншооти азим 110 ҳазор сомонӣ ҷудо карда мешавад. Донишгоҳи технологии Тоҷикистон аз моҳи январ сар карда, то моҳи сентябри соли 2010 тадриҷан саҳмияҳои нерӯгоҳро ба маблағи қариб 600 ҳазор сомонӣ мехарад, гуфт роҳбари маркази тадқиқоти стратегӣ ва иҷтимоии донишгоҳ Хаёл Бобоев. Вай зикр намуд, ки барои расондани кӯмак ба сохтмони нерӯгоҳ ва харидани саҳмияҳои он аз маблағи стипендияи донишҷӯён истифода бурда намешавад. Гузоштани саҳм дар сохтмони нерӯгоҳ ихтиёрист. Мо ҳеҷ касро маҷбур нахоҳем кард, ки бо ин мақсад пул диҳад, зикр намуд Х.Бобоев. Вай қайд намуд, ки то давраи таътил дар донишгоҳ дастаи донишҷӯёни бинокор ташкил карда мешавад. Аъзои даста касбу корҳои сохтмонро дар курсҳои кӯтоҳмуддат меомӯзанд.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
