ДАСТАИ ФУТБОЛИ «ИСТИҚЛОЛ» САҲМИЯҲОИ РОҒУНРО МЕХАРАД

                    Душанбе, 14 декабр. (АМИТ «Ховар», Пайрав Назаров). — Дастаи футболи «Истиқлол», ки мавсими гузашта ба лигаи олии футболи Тоҷикистон роҳхат гирифта, соли 2009 барандаи Ҷоми Тоҷикистон гардид, дар байни дастаҳои футболи мамлакат аввалин шуда, ба даъвати Президенти мамлакат Эмомалӣ Раҳмон ҳамовоз гардид ва қарор дод, ки ба маблағи 50 ҳазор сомонӣ саҳмияҳои НБО «Роғун» — ро харад.                       Мухбири АМИТ «Ховар» ёдовар мешавад, ки Ҳукумати Тоҷикистон дар бораи баровардани саҳмияҳои НБО «Роғун» қарор қабул карда буд. Саҳмияҳои нерӯгоҳ аз моҳи январи соли 2010 сар карда, бо қимати 100, 500, 1000 ва 5000 сомонӣ ба фурӯш бароварда мешаванд.