ДОНИШҶӮЁН ДАР СОХТМОНИ НБО «РОҒУН» САҲМ МЕГУЗОРАНД
Анқара, 29 декабр. (АМИТ «Ховар», Катерина Аксакова). — Сафири фавқулодда ва мухтори Ҷумҳурии Тоҷикистон дар Ҷумҳурии Туркия Шӯҳрат Султонов 27 декабр бо донишҷӯёни тоҷик мулоқот кард, ки дар мактабҳои олии шаҳри Анқара таҳсил мекунанд. Ш.Султонов ба саволҳои донишҷӯён дар бораи сохтмони нерӯгоҳҳои барқи обӣ дар Тоҷикистон, аз ҷумла, НБО «Роғун» ҷавоб дод. Вай зимни суханрониаш муроҷиатномаи Президенти ҷумҳурӣ Эмомалӣ Раҳмонро хотиррасон намуд, ки ҳамаи сокинони мамлакатро ба харидани саҳмияҳои ин иншооти бузург даъват менамояд. Донишҷӯён ба сафир ваъда доданд, ки дар сохтмони нерӯгоҳ саҳми худро хоҳанд гузошт. Сафоратхонаи Тоҷикистон дар Туркия рӯзҳои наздик маҷалларо барои донишҷӯён бо номи «Ватан» нашр хоҳад кард. Маҷалла дар бораи иншоотҳои энергетикии Тоҷикистон нақл мекунад. Аз сафоратхонаи Тоҷикистон дар Туркия ба АМИТ «ховар» хабар доданд, ки дар ин ҷо ҷамъоварии маблағ барои идомаи сохтмони НБО «Роғун» давом дорад. Маблағи ҷамъовардашуда рӯзҳои наздик ба суратҳисоби сохтмони нерӯгоҳ гузаронида мешавад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
