ФАЪОЛИЯТИ ЯКСОЛАИ ЖУРНАЛИСТОН БАРРАСӢ МЕШАВАД
Кӯлоб, 28 декабр. (АМИТ «Ховар», Акрам Ҳаитов). — 29 декабри соли ҷорӣ дар толори китобхонаи ба номи Садриддин Айнӣ бо иштироки журналистони расонаҳои хабарии минтақаи Кӯлоб ҷамъомад баргузор мегардад. Дар ин бора ба АМИТ «Ховар» иҷрокунандаи вазифаи раиси Созмони журналистони минтақаи Кӯлоби вилояти Хатлон Суҳробшои Фаррухшо иттилоъ дод. Дар ҷамъомади мазкур баррасии се масъала дар назар дошта шудааст: натиҷагирӣ аз фаъолияти яксолаи журналистони минтақа, саҳмгузории журналистон дар сохтмони НБО Роғун, тартиби нашр ва дастрасии матлабҳо дар расонаҳои ҷумҳуриявӣ. Тавре С.Фаррухшо қайд кард, як сол пеш гурӯҳи рӯзноманигорони минтақаи Кӯлоб бо ташаббуси худ барои ҳамоҳанг сохтани фаъолияти касбӣ, баррасии мушкилоти мавҷуда ва бо ҳам овардани рӯзноманигорони расонаҳои мустақил ва давлатӣ созмони журналистони минтақаи Кӯлоб таъсис дода шуд. Дар ҷамъомади журналистони минтақа роҳбарияти шаҳри Кӯлоб, намояндагони ташкилоту муассисаҳои дахлдор ва меҳмонон иштирок хоҳанд кард.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
