ИҶЛОСИЯИ БИСТУМИ МАҶЛИСИ ВАКИЛОНИ Ш. ДУШАНБЕ ДАЪВАТ КАРДА МЕШАВАД

                 Душанбе, 9 декабр.(АМИТ «Ховар», Марзия Саидова).- Иҷлосияи бистуми Маҷлиси вакилони халқи шаҳри Душанбе 24 декабри соли 2009 дар толори «Маркази равобити пойтахт» даъват карда мешавад.                  Дар иҷлосия Раиси шаҳри Душанбе Маҳмадсаид Убайдуллоев оиди иҷроиши барномаҳои иҷтимоию иқтисодии шаҳри Душанбе дар соли 2009, нақшаҳои рушд, буҷети шаҳри Душанбе ва вазифаҳои Мақомоти иҷроияи маҳаллии ҳокимияти давлатӣ дар пойтахт барои соли 2010 ва тасдиқи иҷрои буҷети шаҳри Душанбе дар соли 2008 гузориш медиҳад.                   Ҳамзамон, раисони ноҳияҳои Сино ва Фирдавсӣ доир ба ҷараёни татбиқи Қонуни Ҷумҳурии Тоҷикистон «Дар бораи мақомоти худфаъолияти ҷамъиятӣ» ҳисобот медиҳанд. Инчунин, масъалаҳои ба танзимдарории нигаҳдошти чорво ва ҳайвонот дар ҳудуди марзиву маъмурии шаҳри Душанбе тибқи талаботи Қонуни Ҷумҳурии Тоҷикистон «Дар бораи статуси пойтахти Ҷумҳурии Тоҷикистон» ва ворид намудани тағйирот ба Қарори Маҷлиси вакилони халқи шаҳри Душанбе «Дар бораи абадӣ гардонидани хотираи Нависандаи Халқии Тоҷикистон Ҷалол Икромӣ» баррасӣ мегарданд.                 Дар анҷоми иҷлосия тасдиқи як қатор Қарорҳои Раиси шаҳри Душанбе дар назар аст.