ИНТИХОБОТИ ПРЕЗИДЕНТИ ОБХОЗИСТОН
Сухуми, 14 декабр. (АМИТ «Ховар» — ИТАР-ТАСС). — 13 декабр роҳбари комиссияи марказии интихоботи Ҷумҳурии Обхозистон Батал Табагуа натиҷаҳои пешакии интихоботи президентро ҷамъбаст намуда, хабар дод, ки Сергей Багапшаи 60 – сола боз президенти ҷумҳурӣ интихоб гардид. Дар интихоботи президент инчунин номзадҳо Раул Хаҷимба, Заур Ардзинба, Беслан Бутба ва Бганба иштирок намуданд. С.Багапша нисбат ба ҳамаи ҳарифони худ бештар овоз гирифт. Хабар дода мешавад, ки дар интихобот 73,4 фоизи ҳамаи интихобкунандагони ҷумҳурӣ ширкат варзиданд. Ба қавли роҳбари комиссияи марказии интихобот, дар рӯзи овоздиҳӣ дар саросари ҷумҳурӣ ягон воқеаи ғайричашмдошт рух надодааст. Б.Табагуа зикр намуд, ки натиҷаҳои охирин ва расмии интихобот дар давоми рӯзҳои наздик эълон карда мешавад. Маросими савгандёдкунии С.Багапша мувофиқи қонун бояд дар давоми як моҳи баъди гузаштани интихобот гузаронида шавад.Сергей Василевич Багапша моҳи марти соли 1949 дар шаҳри Сухуми таваллуд шуда, соли 1972 Донишкадаи хоҷагиҳои субтропикии Гурҷистонро хатм кардааст. Вай тӯли солҳои фаъолияти меҳнатиаш дар кумитаҳои ноҳиявию шаҳрии комсомолии Гурҷистон, кумитаҳои ҳизби коммунист, муовини раиси Кумитаи давлатии кишоварзию саноатии Обхозистон, раиси шӯрои ноҳиявии вакилони мардумии Очамчир, муовини аввали раиси Шӯрои вазирони Обхозистон, муовини аввали сарвазири Обхозистон, сарвазири Обхозистон ва директори генералии Кумитаи давлатии «Черноморэнерго» кор кардааст. Аз моҳи январи соли 2005 Президенти Ҷумҳурии Обхозистон мебошад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
