МУКОФОТИ ПРЕЗИДЕНТИ РУСИЯ БА КИНОСОЗИ ТОҶИК

                  Маскав, 3 декабр. (АМИТ «Ховар»). — Президенти Федератсияи Русия Дмитрий Медведев чанд рӯз пеш дар бораи мукофотонидани ҳунарманди варзидаи соҳаи кинои Тоҷикистон Ҷамшед Раҳмонов бо ордени «Дружба» фармон имзо кард.                   Ҷ.Раҳмонов мактаби олиро дар шаҳри Ленинград хатм карда, солҳои тӯлонӣ дар киностудияи «Тоҷикфилм» кор кардааст. Кумитаи давлатии кинои ИҶШC солҳои 80 – ум Ҷ.Раҳмоновро ҳамчун мушовир ба Афғонистон фиристода буд.                  Ӯ баъди анҷоми хизматаш дар Афғонистон дар бораи ин мамлакат ва ҳамкориҳои Афғонистон бо Русия чандин филмҳо ба навор гирифт. Филмҳои Ҷ.Раҳмонов дар бораи Афғонистон сазовори ҷоизаҳои гуногун гардидаанд.                  Ҷ.Раҳмонов чанде пеш филми мустанади «Тоҷикистониён» — ро ба навор гирифт, ки дар бораи дастовардҳои арбобони илму фарҳанги Тоҷикистон ва муносибатҳои дӯстонаи Тоҷикистону Русия нақл мекунад.                   Ҷ.Раҳмонов академики Академияи телевизион ва радиои Евразия, узви Иттифоқи киносозони Русия буда, дар ҳаёти ҷамъиятии ҳар ду мамлакат фаъолона ширкат меварзад.