ПОСИ ХОТИРИ ЛУТФУЛЛО БУЗУРГЗОДА

                Душанбе, 15 декабр. (АМИТ «Ховар», Таҳмина Ғоибназарова). — 18 декабр дар Китобхонаи миллии ба номи Абулқосим Фирдавсӣ бахшида ба 100 – солагии рӯзи таваллуди адабиётшинос ва тартибдиҳандаи аввалин китобҳои дарсии забони тоҷикӣ барои мактабҳои миёна Лутфулло Бузургзода конфронси илмии амалӣ баргузор мегардад.                  Дар конфронс олимону омӯзгорони Академияи илмҳо, мактабҳои олӣ, кормандони китобхонаҳо, нависандагону шоирон, дӯстону ҳамкорон ва шогирдони Л.Бузургзода иштирок менамоянд. Ба ин муносибат дар Китобхонаи миллии ба номи Абулқосим Фирдавсӣ намоиши асарҳои Л.Бузургзода ташкил карда мешавад, хабар дод директори китобхона Шариф Тошев ба мухбири АМИТ «Ховар».